मेरो बारेमा
राजनीतिक पृष्ठभुमी
- २०५७ सालमा विद्यालय नजिकै ठुलो सामुदायिक पुस्तकालय खुलेपछि ०४६ सालपछि सबैभन्दा धेरै विकशित भएको प्रिन्ट मिडियाको सर्वभुलभ उपलव्धताको उपयोग गर्दै नेपाल साप्ताहिक, समय साप्ताहिक, हिमाल खवर पत्रिका, मुल्यांकन मासिक, नवयुवा, कान्तिपुर दैनिक, अन्नपुर्ण पोष्ट, नेपाल समाचारपत्र, राजधानी दैनिक, जनआस्था साप्ताहिक लगाएत मिडियाहरुमा प्रकाशन हुने राजनीतिक घट्नाक्रमहरुसंग साक्षात्कार । त्यसैगरी तत्कालिन विकशित भएका एफ.एम रेडियोहरु विविसी नेपाली सेवा, नेपाल टेलिभिजन, कान्तिपुर टेलिभिजन, ईमेज टेलिभिजन, च्यानल नेपालहरु बाट पनि सुचना स्रोतहरुको संकलन तिव्र हुन्छ ।
- स्कुले जिवनकालमा नै माओवादी जनयुद्ध उत्कर्षमा पुग्छ । दरवार हत्याकाण्ड हुन्छ । ०५८ असोज १८ पछि दरवारको कु सुरु हुन्छ । देशमा संकटकाल लागु हुन्छ । नेपालको ईतिहाँसमा नै व्यापक उथलपुथल र हेरफेरको घटनाको विच वाल्यकाल र स्कुले जिवनको समापन हुन्छ ।
- २०६१ साल चैत्रमा एस.एल.सी परिक्षापछि पत्रकारिता पढ्ने उदेश्यले काठमाडौं आई पत्रकारिताको केन्द्रिय क्याम्पस रत्नराज्य लक्ष्मी क्याम्पसमा अध्ययनरत रहदा नै अनेरास्वियुमा संगठित भई राजाको प्रत्यक्ष शासनको विरुद्धमा नागरिक आन्दोलन तथा विद्यार्थी आन्दोलनमा सहभागिता जनाउने क्रममा २ पटक राज्यद्रोहको अपराधको मुद्धासहित प्रहरी हिरासतको यातनाले अझ बढि राजनीतिप्रती लगाव बढ्न जान्छ ।
- २०६२/०६३ सालको आन्दोलनको सफलतापछि पढाई सँगै युवाहरुको कुनै उत्पादनमा जोडिनुपर्छ भन्ने उद्येश्यले २०६४ सालको पहिलो संविधान सभाको निर्वाचनपछि १ लाख चालु पुँजिको आईटि कम्पनीको स्थापना र संचालन ।
- पेट्रोलियम पदार्थको २/४ रुपैयाको मुल्यवृद्धिको विरुद्धमा केन्द्रित विद्यार्थी आन्दोलनबाट विस्तारै अलग ।
- २०६५ सालपछि व्यवसायसंगै विभिन्न राजनीतिक रिसर्च एकेडेमीहरुसँग जोडिएर नेपालका विभिन्न क्षेत्रका विज्ञहरु जस्तै : समाजशास्त्री डा. चैतन्य मिश्र, समाजवादी चिन्तक प्रदिप गिरी , मानवशास्त्री सुरेश ढकाल, वामपन्थी वुद्धिजिवी श्याम श्रेष्ठ, राजनितिज्ञ डा. बाबुराम भटट्राई, दर्शनशास्त्री डा.वेदुराम भुषाल, माक्र्सवादी अध्यता घनश्याम भुषाल, समाजवाली चिन्तक रमेश सुनुवार, भुगोलविद डा. पिताम्बर शर्मा, वाम अर्थशास्त्री हरी रोक जस्ता विज्ञहरुसँग निरन्तर सानिध्यमा रही अध्यन अनुसन्धानमा सक्रिय ।
- २०६७ सालपछि नेपालमा परम्परागत राजनीतिक दलहरुको औचित्य समाप्त भएको र त्यसको विकल्पमा कम्तिमा २ वटा शसक्त वैकल्पिक शक्ति पार्टीको वकालत गर्दै आएको तथा संविधान जारी भएपछि डा. बाबुराम भटट्राईले प्रयत्न गरेको नयाँ शक्ति नेपालमा सामेल भई २१ महिना कार्यअनुभव हाँसिल गरेको । र पुन्ः स्वतन्त्र राजनीतिक जिवन यापन गरेको ।
- मित्र राष्ट्र चिनको ४ पटक व्यवसायिक भ्रमण गरेको । ५ पटक भन्दा धेरै मित्र राष्ट्र भारतको भ्रमण गरेको तथा १ पटक मित्र राष्ट्र श्रिलंकाको भ्रमण गरेको ।
- आईटि कम्पनी विगटेक अफिस सिस्टमलाई काठमाडौं र चितवन भरतपुरमा विगत १४ वर्षदेखी नेतृत्व प्रदान गर्दै आएको ।
- २०७४ सालको स्थानिय चुनाव, प्रदेश तथा प्रतिनिधि सभाको चुनाव र २०७९ सालको स्थानिय तहको निर्वाचनमा विभिन्न माध्यमबाट सक्रियतापुर्वक सहभागीता जनाएको ।
- हाल प्रदेश तथा प्रतिनिधि सभा निर्वाचनमा चितवन क्षेत्र नम्बर २ (ख) बाट प्रदेश सभा सदस्य पदको लागी लौरो चुनाव चिन्हबाट प्रत्यासी ।